जिंतूर:"धनगर समाजाचा अनुसूचित जमाती प्रवर्गात समावेश करण्यासाठी राज्यभरात रास्ता रोको आंदोलन"

जिंतूर:धनगर समाजाच्या अनुसूचित जमाती प्रवर्गात प्रवेश करण्याच्या मागणीसाठी राज्यभरात आंदोलन होत आहे, आणि आज परभणी जिल्ह्यातील जिंतूर येथेही याच मागणीसाठी रास्ता रोको आंदोलन करण्यात आले. सकल धनगर समाजाच्या वतीने चारठाणा मुख्य रस्त्यावर अर्धा तास रास्ता रोको करण्यात आले, ज्यामुळे वाहतुकीत अडथळे निर्माण झाले. या आंदोलनानंतर स्थानिक तहसील प्रशासनाला निवेदन सादर करण्यात आले, ज्यामध्ये त्यांच्या मागण्या मांडण्यात आल्या.

धनगर समाज आणि धनगड समाज यांच्यातील वाद आता शासनाच्या दरबारी पोहोचला आहे. सर्वोच्च न्यायालयाने याबाबत आपले मत मांडले असले तरीही धनगर समाज राज्य शासनाकडून निर्णयाची अपेक्षा ठेवत आहे. या विषयावर धनगर समाज आणि आदिवासी समाजातील ग्रामीण नेत्यांचे विचार जाणून घेण्यासाठी आमचे प्रतिनिधी रत्नदीप शेजावळे यांनी विविध नेत्यांशी संवाद साधला आहे.

https://youtu.be/YlxJqoZQrbA

जिंतूर:"धनगर समाजाचा अनुसूचित जमाती प्रवर्गात समावेश करण्यासाठी राज्यभरात रास्ता रोको आंदोलन"