ठाण्याच्या महापौरांना दाऊदच्या नावाने धमकाविणारा 'हा' आहे भामटा चोरीचा मोबाईल विकत घ्यायचे आणि इंटरनेटवरून विविध क्रमांक मिळवून कुणालाही त्रास द्यायचे प्रताप तो करीत असल्याचे उघड झालंय.

ठाणे प्रतिनिधी 20 सप्टेंबर : ठाण्याच्या महापौर मीनाक्षी शिंदे यांना दाऊद आणि छोटा शकील च्या नावाने धमकवणाऱ्या युवकाला ठाणे खंडणी विरोधी पथकाने ( गुन्हे शाखेने ) अटक केलीय. वसीम मुल्ला (वय-28) असं धमकी देणाऱ्या तरुणाचं नाव असून तो मुंब्रा परिसरात राहणारा आहे. इंटरनेट वरून नगरसेवकांचं नाव आणि नंबर काढून हा युवक धमकी देत असल्याची माहिती पोलिसांनी दिली आहे. आतापर्यंत त्याने पाच नगरसेवक आणि पोलिसांना धमकी दिली असल्याची प्राथमिक माहिती समोर आलीय. मुंब्रा परिसरात  राहणारी महिला तरनुम कुरेशी यांचा मोबाईल त्यांच्या मोलकरणीने  काही महिन्यांपूर्वी चोरला होता. अकबरअली डावरी  असे मोलकरणीचे  नाव असून या मोलकरणीनेच हा मोबाईल या युवकाला विकला होता.

आईशी भांडण करून घराबाहेर पडली तरुणी.. नराधमाने घेतला याच संधीचा फायदा

ज्या नंबरने महापौरांना धमकावण्यात आले होते ते नंबरचा शोध लागल्याने कुरेशी यांच्याकडे पोलिसांनी विचारपूस केल्यानंतर हा मोबाईल काही महिन्यांपूर्वी चोरीला गेला असल्याचे त्यांनी सांगितले . त्यानंतर मोलकरणीला ताब्यात घेतल्यानंतर मोबाईल या युवकाला विकला असल्याची कबुली दिल्यानंतर आरोपी पर्यंत पोलीस पोहचले.